Conectando retos reais de emprendedores galegos
co talento universitario
Un modelo que converte as necesidades reais do ecosistema emprendedor galego en oportunidades de aprendizaxe, innovación e empregabilidade para estudantes universitarios de Galicia.
+96
emprendedores da Rede de Polos inscritos
+600
Estudantes interesados
+15
Polos de emprendemento
Un programa de
"Cando o talento universitario encontra un reto real, sucede a maxia: créase valor, créanse oportunidades e créase futuro para Galicia."
O Programa Innovación e Talento Novo conecta emprendedores e empresas emerxentes de Galicia con estudantes universitarios de último ano da USC, UVigo e UDC, que desenvolven o seu TFG ou TFM resolvendo un reto real.
A Xunta de Galicia e a Rede de Polos de Emprendemento actúan como pontes institucionais. U4IMPACT xestiona toda a operativa, o matching e o acompañamento de cada proxecto.
Misión
Converter necesidades reais de emprendemento en proxectos universitarios con impacto directo no ecosistema galego.
Visión
Consolidar Galicia como referente en transferencia de coñecemento entre universidades e ecosistema emprendedor.
Participar é sinxelo, sen custo e con resultados demostrados en dúas edicións.
Calquera necesidade real dunha empresa ou emprendedor de Galicia ten cabida no programa. Non hai restrición de sector nin de tamaño.
Posicionamento, captación de clientes, redes sociais, branding e estratexia de comunicación para startups en etapas temperás.
Modelos de negocio, diversificación, mercados, análise competitiva e estratexia de internacionalización.
Proxectos de turismo sostible, nómades dixitais, roteiros e dinamización do rural galego.
Software, intelixencia artificial, automatización de procesos e solucións dixitais aplicadas ao negocio.
Economía circular, impacto ambiental, certificacións e estratexias ESG para empresas emerxentes.
¿Non sabes como formular o teu reto? Temos exemplos reais para inspirarte e atopar o encaixe perfecto.
Ver exemplos de proxectosEmprendedores e empresas
"Poder contar con talento nun departamento da empresa no que non houbera sido posible contar con persoal cualificado por falta de medios e orzamento."
"A estudante entende perfectamente a nosa identidade de marca e os valores que queremos transmitir."
"O nivel técnico do estudante sorprendeunos. Está a construír algo que realmente nos vai a cambiar a operativa con provedores."
Estudantes ImpactMakers de Galicia
"O que me impulsa é usar a intelixencia artificial para resolver unha situación que impacta directamente no mundo profesional de Galicia."
"Non se trata dun exercicio teórico, é un reto real proposto por unha empresa que conecta cunha problemática actual. Iso cámbiao todo."
"Motívame traballar sobre un proceso industrial real onde os resultados se poden ver de forma tanxible e con impacto directo na empresa."
En menos de 15 minutos defines o reto. Nós facemos o resto.
A Rede de Polos de Emprendemento e Apoio ao Emprego da Xunta de Galicia é a infraestrutura territorial que fai posible este programa. Os técnicos e técnicas de cada Polo coñecen de primeira man os emprendedores e as empresas emerxentes do seu territorio, identifican as necesidades reais e conectan o ecosistema local co talento universitario a través de U4IMPACT.
O que fan os técnicos dos Polos
"Sen os Polos, o programa non existe. Son a ponte entre o ecosistema emprendedor galego e o talento universitario."
Polo de Emprendemento de Ferrol
A Coruña
Polo de Emprendemento de O Porriño
Pontevedra
Polo de Emprendemento de Silleda
Pontevedra
Polo de Emprendemento de Vilanova de Arousa
Pontevedra
Polo de Emprendemento de Friol
Lugo
Polo de Emprendemento de Coristanco
A Coruña
Polo de Emprendemento de Verin
Ourense
E moitos máis…
15 polos en todo o territorio galego
Para emprendedores e empresas
¿Canto custa participar?
A participación está financiada pola Xunta de Galicia no marco da Rede de Polos de Emprendemento. Non hai custo directo para o emprendedor ou empresa participante.
¿Que tipo de emprendemento pode participar?
Calquera emprendedor ou empresa emerxente de Galicia con necesidade real de innovación. Non hai requisito de tamaño mínimo nin de sector. O teu Polo axudarache a valorar o encaixe.
¿Que dedicación require o emprendedor?
Aproximadamente 1-2 horas ao mes. Kick-off, seguimento quincenal de 30-45 minutos e presentación final. U4IMPACT xestiona toda a coordinación.
¿A miña información e reto están protexidos?
Si. Empresa e estudante asinan un acordo de confidencialidade antes de iniciar o traballo. O reto non se publica nin comparte sen autorización explícita.
¿Podo contratar ao estudante ao rematar?
Si. Se a colaboración funciona ben e hai interese mutuo, podes incorporar ao estudante ao teu equipo ao finalizar o TFG/TFM.
Para estudantes e universidades
¿Como se seleccionan os estudantes?
U4IMPACT realiza o matching entre o perfil do reto e os estudantes dispoñibles na USC, UVigo e UDC. O titor académico valida a idoneidade antes do arranque.
¿Que universidades participan?
As tres universidades públicas de Galicia: Universidade de Santiago de Compostela (USC), Universidade de Vigo (UVigo) e Universidade da Coruña (UDC).
¿Como se financia o programa?
Impulsado e financiado pola Xunta de Galicia no marco da Rede de Polos de Emprendemento, con U4IMPACT como operador técnico.
Son estudante, ¿como podo participar?
Podes preinscribirte no programa a través do formulario de estudantes en u4impact.org. Contactarémoste cando haxa un reto que encaixe co teu perfil.
Cuéntanoslo e axudámoste a definilo nunha proposta clara. Sen custo, sen burocracia. O teu Polo de Emprendemento tamén pode acompañarte.
Proxectos emprendedores inscritos
+96
en toda Galicia a través da Rede de Polos
Estudantes universitarios mobilizados
+600
da USC, UVigo e UDC en dúas edicións